Nanchon

Nou salye nanchon Silibo, nanchon Alovi, nanchon Mondong,nanchon Nago,nanchon Agovi,nanchon Dawonmen, nanchon Baboul, nanchon Wolòf, nanchon Bawouleh, nanchon Ibo, nanchon Kongo,nanchon Petro,nanchon Kaplawou,nanchon Sinigal,
nanchon Gedevi,nanchon Kita,nanchon Kanga,nanchon Banm Bara, nanchon Mandeng,
nanchon Wongòl. Nan vodou nou toujou tande pale de nanchon; pawòl 21 nanchon an repete tout tan. Kisa ki yon nanchon? Yon nanchon se mo kreyòl ki vle di yon pèp ak tout patrimwan imateryèl li : sal manje, jan li abiye, jan li viv, tradisyon li e latriye. Mo franse ki pi pre nanchon, se “etnie”. Sou zile a nou jwenn tras plizyè nanchon afriken plis youn ki pran nesans sou tè a. Se li ki Petwo.