Ou antre nan lakou kote 21 nanchon yo rete.
Kote nou respekte lavi, nou viv an fanmi e nou renmen peyi nou.
Jete twa gout dlo pou salye bitasyon zansèt ou bò manman ak bò papa epi achte yon pòch Kòmilfo pou Lwa yo. Nap resevwa w avèk lonè e nou swete ou ale avèk respè pou tradisyon ansestral ayisyen an. Dèyè mòn toujou gen mòn, konsa tou, chak imaj sou Vodounation ouvri yon pòt kap ede w dekouvri anpil aspè nan vodou. Pran san w, pa prese, sa w ap aprann jodi a gen pou sèvi w pou tout tan. AGO, AGOSI,AGOLA
Konnen ki fè
Anba Tonèl
Pelerinaj
Channmas
BOTANIKA
VODOU- chèche nap chèche
Panteyon
Remèd, Règleman, Resèt.
Mizik
Mwen se moun !
Mwen gen kò, mwen gen lespri, mwen gen nanm.
Grandèt la banm pouvwa ak mwayen
Pou mwen fòtifye kòm,
Anrichi lesprim e pirifye nanm mwen.
Mwen se ayisyen !
Mwen se eritye 21 nanchon.
Mwen gen san 21 nanchon kap koule nan venn mwen.
Mwen gen fòs 21 nanchon nan kò mwen.
Mwen se ayisyen !
Mwen se pèp ki batay pou libète tout kote nan mond lan.
Map mache sou chimen zansèt mwen, ki te deklare la gè
Kont tout sistèm esklavajis, kolonyalis nan mond lan.
Mwen se Ayiti !
Premye tè libète,
Tè ki pou tout moun lan,
Tè kote pa gen moun pase moun.
Mwen se Ayiti !
Tè kote tout moun dwe jwenn kè kontan,
Nan lanmou ak lapè.
Se sa ki te di !
Se sa ki dwe fèt !
Ago ! agosi ! agola !